…

Estaba paseando polo casco vello daquela cidade cando comezou a chover. Púxenme ao abeiro dun portal e quedei un anaco observando á xente que apuraba o paso para non mollarse demasiado. Foi entón cando entraron correndo na praza. Non dubidei. Corrín cara eles para facer a foto. Logo fixen dúas ou tres máis, pero ningunha coa forza da primeira. Supoño que fotografar é deixarse levar por impulsos, non pensar moito no que estás facendo para non estragar a maxia do momento.